Logo til print

Kalaallit-Nunaanni timersortarfiit sammisassaqartitsivinngussapput toqqissisimanartut eqeersimaartullu.

Lokale Anlægsfond´i Kalaallit-Nunaanni timersortarfinnik nutarsaanissamik suliniummik aallarnisaanialerpoq, sunngiffimmi ornittagassatigut nuannernerusunik qinigassaqarnerusumillu periarfisseerusullutik pilerinarsaarerusullutillu. Kulturikkut silallu pissusaatigut atukkat ilutigalugit Kalaallit Nunaanni pisariaqartitagut nutarsaasoqarnissaa nukittorsaasoqarnissaalu pisariaqalernikuugamik. Aallarniutigalugu Kommune Kujalleq suleqatigalugu aallartilerput.

 

Sisamanngorneq Februarip 20´at 2020
Lokale Anlægsfondenimiik tusagassiutitigut nalunaarut

Isikkamik arsarneq, assammik arsarneq, sulorarneq, futsalilu nunatta timersortarfiini annerusumik ingerlanneqartuupput, kisianni massakkut qasuaallisarluni arpattarnerit, qitiit, nukkassarnerit, silami timersuutit pisoqatigiittarnerit aallartimisaarneqarnikuupput. Kisianni illoqarfinni nuanqarfinnilu ataatsimooqatigiittarfissaasuasarmata, ingammik sammisassatigut tamakkiisumik ingerlasoqassappat peqataarusuttullu tamakkerlutik ilaasalissappata sunngiffimminni sammisaqartalerlutik.

Inuusuttorpassuit sunngiffimminni sammisassatigut kataguttarput, inersimasut 30 %´tii pualavallaarput, meeqqat inuusuttullu inuunerliorput, Kalaallillu-Nunaata issittarnersua kaperlaasarneralu sammisassatigut naalleraasarput aporfilersuisarlutillu.

Taamaattumik Lokale Anlægsfond´i suliniummik suleqatissarsiorluni aallarniivoq: ’Kalaallit-Nunaanni timersortarfinnik nutarsaaneq’, sunngiffimmi sammisassatigut kivitserusulluni, ukioq kaajallallugu sammisassaqartitsinernut akoorusuttut oqilisaakkusullugit ajornanngitsuaqqamik akuusinnaanissaannut. Siullertut Kommune Kujallermi timersortarfiit nutarsaavigineqalerput.

Jakob Færch, Lokale Anlægsfond´imi ineriartortitsinikkut siunnersorti ima oqaaseqarpoq:
Ulluinnarisami ileqqorisat apeqqutaasorujussuupput aaliangiisuusussaallutillu, kalaallit amerlanerusut sunngiffimmi sammisassanut akuulernissaannut. Atuisunngornissaminnut piukkunaateqartuupput ulluinnarminni timigissajuikkaluarlutik pinngortitamiittratut – pisuttuanngikkunik, angerlarsimaanngikkunik, timersuusersunngikkaluarlutik, qitigiarsinnaasut qasuaallisarsinnaasullu. Inuusuttut, toqqissisimanissamik pisariaqartitsipput, timersuutaanngikkaluanik qasujaallisarnerunngikkaluanilluunniit sammisaqarusuttartuullutik. Pinnguaatinik sammisaqarnissamut periarfissarissaarnerit, aalanissamut, inussiornissamut nuannisaqateqalaarnissamullu timersortarfiit periarfissatsialaapput pinngortitamiinnianngikkaagamik aqqusinermiinnianngikkaagamillu ataatsimooqateqalaarsinnaanissamut periarfissarisinnaagamikku.

Timersortarfiit innuttanut naapeqatigiittarfiusussaapput
Kalaallit-Nunaanni Kommunit tallimaasut tamakkerlugit suleqatiserineqarput kajumissaarneqarlutik timersorfiusinnaasumik nutarsartariaqalersimasumik peqarunik innuttaasunullu naapittarfissatut piukkunnaateqarpat suliuteqarfigeqqullugu. Piukkunnaatilittut nalunaarutigineqartut arlaat toqqagaassaaq nutarsagasanngorlugu suliaasussanngorlugu. Toqqaaneq Lokale Anlægsfond´i peqatigalugu aaliangiifigineqassaaq, Kommuninilu aserfallatsaaliinikkut pilersaarusiaareersut aallaavigalugit suliaq tassanngaanniik nanginneqaannassalluni.

Kalaallit-Nunaanni timersortarfiit amerlanerit 1970´kunni 80´sikkunnilu sanaartorneqarnikut misissuiffigeqqissaarnerisigut paasineqarnikuuvoq nutarsaanissatigut tamakkiisumik nutarsaasoqassappat 68 mio. Kr. pisariaqartinneqartut.

Lokale Anlægsfond´iillorsuarnik pioreersunik nutarsaasarnikkut misilittagaqarluarpoq annertoorsuarmik allannguinngikkaluarluni, inuiaqatigiinnut tulluarsaallaqqilluni naleqqussaasarnermigut – soorlu sanaartornikkut iluarsartuussinikkullu eqqatsumik iluarsiisarnermigut – avitseqatigiiffiusartunik naapiffiliortarnerit nukittuutaasarput nukittorsaallutillu.

Ilisimasat piffinnilu ineriartortitsineq ataqatigiitsilerlugit
Suleqatiserinnernermi ilisimarikkat – soorlu Idrættens Analyseinstitut´simiik Kalaallit-Nunaanni timersortarfiit isikkui atuunnerilu pillugit paasisimasat kiisalu kalaallit timersornikkut ileqquinik paasiniaaqqissaarnerni paasisimasat aallaavigineqarsinnaalluartut.

Kommunit peqataarusuttut periarfissinneqassapput inuiaqatigiit misissueqqissaarfigitsiarnissaannut timersortarfinnillu nutarsaanissaq atuisut innuttallu tamakkiisumik qanimut akuutillugit peqatigalugillu ingerlanneqassalluni.

Kalaallit-Nunaanni Kommunit soqutiginnittut ukiuni aggersuni suleqatigineqassapput. Taamanikkussamut Kommune Kujallermi misilittagarilersimasat  ineriartortitseqqiinissani atorluarneqassapput, pilersaarutimmi aallarnisalerneqaleruttorput `Qaqortumi Timersortarfik` - Isumassarsiamiik atuisunut akuutitsinermiik pilersaarusiorneraniik piviusunngortinneranut.

Kommune Kujallermi suliassamik pilersaarusiami Oak Foundation Denmark Lokale Anlægsfond´imik suleqatiginnittuuvoq, inulerinikkut illoqarfinni ukunani pingasuni kivitsisuusussaq: Narsaq, Nanortalik Qaqortorlu.

Tassami Kalaallit-Nunaanni timersoqatigiit kattuffiata nunarsuaq tamakkerlugu kalaallit timiminnik 2030-imi aalatitsinerpaanngornissaat anguniagaraa. 

 Suliniuteqarneq  Timersoqatigiit kattuffiata sammisassaqartitsineri ingiaqatigalugit ingerlanneqassaaq.

Lokale Anlægsfond´ip nittartagaani temaside ´mi suliniuteqarneq malinnaaffigisinnaavat. Aamma paasissutissat naliginnaasut Kalaallillu-Nunaanni sunngiffimmi sammisassaqartitsiniarnerni sakkuusinnaasut tassani takuneqarsinnaapput.

Apeqqarissaarinerit isiginnaagassiaaranngorlugit
Suliniut nutaaq: Kalaallit-Nunaanni timersortarfinnik nutarsaanissaq. Anlægsfond´mi Ineriartortitsinikkut Siunnersortim, Jakob Færch

Kalaallit timersornikkut ileqqui, senioranalytikerimit Idrættens Analyseinstitut, Peter Forsberg
Kujallermi Sunngiffik, Borgmester i Kujalleq Kommune, Kiista P. Isaksen

Misissueqqissaarnerit
Kalaallit-Nunaanni timersorneq
Kalaallit-Nunaanni timersornikkut aningaasaqarneq